Sedino ae gak ndukung

"Halo cak, yok opo bose kok kalah iki..?". 
"Halo... yo yok opo lo sampeyan? Kan wes tak titip nang sampeyan supoyo kuabeh ndukung bose?...". 
"Yo uwes cak... Kuabeh wes tak bage i... Malah aku yo nombok pisan...". 
"La terus opo'o kok isok kalah ngene...?". 
"Yo iku cak, jare arek2, kaet sak durunge kampanye sampek mari kampanye, kabeh lak wes ndukung bose terus dadi kesel, mulane sedino iki mau pas coblosan njaluk leren dhisik... Yo wes tak olehi, mosok sedino gak ndukung ae gak oleh...?". 
"Hanciiikkk...".  

Dalile korban

"Halo cak, korban opo sampeyan?".
"Wah sepurane gak isok korban saiki".
"Lah opo'o... kan sampeyan lak duwe dhuwek?".
"Dhuwek onok tapi ate digae yok opo?..".
"Sampeyan dhewe korban gak?...".
"Nek aku yo korban rek...".
"Lo pas aku wingi nageh sampeyan jare gak duwe dhuwek?".
"La kan dalile lak sholat trus korban guduk nyaur utang...".
"Hanciiik...".

Bhinneka akeh tunggale

"Le lapo koen kok plonga plongo ngewasno koran?".
"Niki lo kulo kok tesih bengung, jane bhineka tunggal ika niku pripun to? Wong entene kok mung bhineka terus, udur2an terus, mulai tukang ojek sampek mentri... ".
"Koen iku yo tak kandani... Bhinneka tunggal ika iku lengkape bhineka tunggal ika tan hana darma mangroa...
Dadi sing tunggal iku darma utowo kebecikan... Nang paran ndi ae kebecikan iku mesti podo kedadeyane...
Mulane gak usah bengung moco koran mergo koran dudu sumber kabecikan...".
"Sek2 anyar niki... Kok saget kebecikan podo kedadeyane?".
"Payah koen iku... Ngene ae koen eruh soto? Soto iku mulai wong jowo sampek sumatra, kalimantan, kabeh duwe soto, kabeh seneng soto, masiyo bumbune gak plek podo, tapi arane soto, mergo soto iku nang roso... Roso iku tunggal... Kebecikan iku nang roso...
Mulane aku seneng soto... Mergo aku seneng kabecikan...".
"Huu... Mboten nyambung... Wong njenengan nek nyoto mesti sekule dicampur to, trus tanpo ndog tanpo ceker, polosan thok... Becike teng pundi?
Niku sanes bhinneka tunggal ika tapi bhinneka akeh tunggale, alias ngirit...".
"Lambemu semprul...".

Zakat 'mall'

"Le koen saiki lak wes oleh te ha er, ojok lali zakat...".
"Mpun, kulo titipke mejid pitrahe...".
"Mbelingan mung pitrah thok, dhuwitmu lak isik turah, mbayaro zakat mal...".
"Niku nggeh pun kulo niyati, tapi pripun wong dhuwite pun ngge blonjo teng mall...".
"Koen iku yo apike kudu zakat mal, ojok mung niyate zakat, tapi dientekno nang mall...
Piro2 usahakno, polahe iku yo nggo awakmu dhewe supoyo isok ngajeni opok ae seng wes mbok hasilno selawase iki..".
"Kulo nggeh ngertos, tapi mangke njengenan grenengan?...".
"Olaopo, opo hubungane karo aku?".
"Jatah terakhir lo niki, pun njengenan ikhlas?".
"Yo jelas ikhlas, malah kudu...".
"Nggeh pun... Niki wau kulo jange teng mall mundhutke njengenan sarung kaleh kopyah, tapi njengenan ngersakke kulo ken zakat, nggeh pun jatah ngge njengenan mboten sido kulo pundhutke sarung kaleh kopyah enggal ... Mboten nopo2 to, wong sarung kaleh kopyah njengenan pun turah2...".
"Haseemm....".

Nyunah cap sego

"Ndhuk tangi... Saur...".
"Halah... Nopo to mbah, mbok biasa mawon, kok koyok mboten nate saur ngoten...".
"Wes meh imsak iki lo...".
"La sanjange njengenan ajeng nyunah saure, dahare diakhirke?..".
"Enakmu dewe, yok opo carane nyunah wong segone ae gak enek...".
"Huu... Nyunah cap opo niku, nyunah kok tergantung sego...".
"Semprul...". 

Buko ambek sing manis2

"Halo cak, ndik ndi peyan, ayok bukber...".
"Hadoh bukber, lambene... Paling peyan ngejak golek takjil gratis ndik mejid ngarep...".
"Huu... Gak percoyo... Ayok nang mal...".
"Oalah cak2, poso iku yo prihatin, trus yok opo carane isok ngalap berkah...".
"Halah kelincipen, wong peyan jare kate ajar moco quran isin ambek arek cilik2, poso yo mung pindah mangan, trus melok pengajian mik pindah turu, wiridan gak apal, kapan berkahe?... Mending nang mal, uji nyali, hawane seger, ayem, sawangane yo apik2, panganan jejer2... Nek peyan kuat mesti gedhe ganjarane, trus ngko nek katene buko, kari modal banyu botol, nyidhek ae nang mbak2 spg sing manis2, kan jare buko ambek sing manis2...". 
"Jiaah...dapurane...". 

Qomat ngejak balapan

"Le, mahriban nang endi koen kok gak ketok?".
"Nggeh teng mejid to, mosok teng warung?".
"Biasane koen mari buko trus pleng gak jelas mahribe...".
"Wah ngece...wong malah mahrib kulo niki wau istimewa kok...".
"Kok isok istimewa?".
"Jelas istimewa wong tahiyate mawon peng 4, berarti selawate peng 4, dados pahalane jelas lipet2 to?".
"Onok ae... Mahrib coro opo iku kok tahiyate peng 4?".
"Pripun to, wong kulo makmume kait rekaat ping 2 pas tahiyat kok, dos nggeh tahiyat terus... Bathi tenan niki mahribe...".
"Koen iku sholat kok nggolek bathi... Mulane sesuk meneh nek wes adan ndang nang mejid, koyok aku iku lo...".
"Huu...nggeh mesti mawon wong njengenan seng tukang qomate... Jamaah sek do buko, wetenge dereng nglumpuk, pun cepet2 qomat, ngge do keponthal-ponthal, nggarai males jamaah meleh... Jane pripun to karepe, ajeng ngejak sholat jamaah nopo ngejak balapan mlayu?".
"Wooo arek sempel...".

Nyathet sek

"Mbak wes iki etungen piro".
"Pun 8 ewu mawon...".
"Dhuwike 50 ewuan ono susuke gak?".
"Huu..esuk uthuk2 ngeten nggeh dereng enten... Njengenan niku nek njajan mbok dhuwike seng pas... jajan sithek wae ngrepoti...".
"Hadoh, katene mbayar malah diseneni.... Yo wes sesuk ae, saiki nyathet sek...".
"La tenan to, pun mbatin kulo, mesti njengenan sengojo ben iso ngebon... Ngeten mawon mriki dhuwite ngge deposit, mbenjing nek saur nopo buko kantun nyathet...".
"La terus aku gak nggowo dhuwek?".
"Ngge nopo njengenan lak poso, mboten katene njajan to, mosok poso tapi niyate pun ajenge buko, percumah posone...".
"Hampfut...".

Kopi balsem

"Mbak njaluk wedang kopi...".
"Ngke riyen, toyane dereng umob, sholat mawon riyen...".
"Huu...wong kepengene saiki gae ngangeti weteng...".
"Wo sholat kok dikalahke ngopi... Kopi balsem mawon nggeh?".
"Opo iku?".
"Niki kopine ngge toya biasa, trus wetenge njenengan gosoki balsem... Ngke lak podho angete...".
"Semprul....". 

Rasa(h) mbayar

"Mbak njaluk ngombe seng seger2, piro regane....".
"Telung ewu mawon... ngersakke rasa nopo, jeruk, jambu...?".
"Ketokke seng paleng enak nek rasa(h) mbayar...".
"Enakke... pun labu mawon cocok ngge njenengan.".  
"Kok labu to?"....
"Nggeh... la bu wapak njenengan nopo seng duwe warung, kok rasah mbayar..."...
"Haseem...".